जळगाव मिरर / १ एप्रिल २०२३ ।
देशभर शिव महापुराणच्या माध्यमातून चर्चेत असलेले कथाकार पं.प्रदीप मिश्रा यांचा दौरा २२ एप्रिल रोजी खान्देशात होत असल्याची प्राथमिक माहिती समोर आली आहे. खान्देशातील नंदुरबार येथील शिवसेना शिंदे गटाचे संपर्कप्रमुख चंद्रकांत रघुवंशी यांनी आज त्यांना निमंत्रण दिले असता त्यांनी ते स्वीकारले असल्याची देखील माहिती समोर आली आहे.
माजी आमदार तथा शिवसेना शिंदे गटाचे संपर्कप्रमुख चंद्रकांत रघुवंशी व उद्योजक मनोज रघुवंशी यांनी आज सिहोर येथे शिव महापुराण कथाकार पं.प्रदीप मिश्रा यांची भेट घेतली. पं.मिश्रा यांच्या हस्ते दि.२२ एप्रिल रोजी अक्षयतृतीयेच्या मुहूर्तावर छत्रपती मल्टीस्पेशालिटी हॉस्पीटलचे उद्घाटन करण्यात येणार आहे.
उद्घाटनाचे निमंत्रण देण्यासाठी माजी आमदार चंद्रकांत रघुवंशी व उद्योजक मनोज रघुवंशी यांनी आज सिहोर येथे श्री विठ्ठलेश सेवा समितीचे शिव महापुराण कथाकार पं.पंडित मिश्रा यांची भेट घेतली. उद्घाटनाचे निमंत्रण पंडित मिश्रा यांनी स्वीकारले. यावेळी पंडित मिश्रा यांनी माजी आमदार चंद्रकांत रघुवंशी, उद्योजक मनोज रघुवंशी, योगी रघुवंशी,माजी नगरसेवक दीपक दिघे यांचा गमछा देऊन सत्कार केला.
