जळगाव मिरर / २२ मार्च २०२३
जामनेर तालुक्यातील पहूर – जामनेर मार्गावर असलेल्या सोनाळा शीव रस्त्यावर मंगळवारी दुपारी अनोळखी तरुणाचा खून झाल्याची घटना उघडकीस आली होती. याप्रकरणी जळगाव गुन्हे शाखेने तपासचक्रे फिरवत अवघ्या २४ तासात पोलिसांनी हि उकल केली असून या प्रकरणी शिंगाईतच्या रवींद्र उर्फ बाळू भगवान हडप (वय ४१) याला ताब्यात घेतले आहे.
मिळालेली माहीती अशी कि, पहूर-जामनेर मार्गावील हॉटेल वृंदावन नजीक सोनाळा-पहूर शीव रस्त्यावर सोनाळा येथील प्रफुल्ल भरत पाटील यांच्या कपाशीच्या शेतात मंगळवारी दुपारी चार वाजता बाळू वाघ व संशयित रवींद्र उर्फ बाळू भगवान हडप हे मद्यप्राशन करण्यासाठी बसल्यानंतर दोघांमध्ये उसनवारीच्या पैशातून वाद सुरू झाला. यावेळी मद्याच्या नशेत बाळू वाघ याने काठीने रवींद्रला मारहाण केल्याने त्याचा राग आल्याने रवींद्रने बाळूच्या डोक्यात भला मोठा दगड दोन वेळा मारला व रक्तस्त्राव सुरू झाल्याने व तो हालचाल करीत नसल्याने त्याची दुचाकी व मोबाईल घेवून रवींद्र पसार झाला. जळगाव गुन्हे शाखेने तांत्रिक विश्लेषणानंतर 24 तासात आरोपी निष्पन्न करीत त्याला अटक करीत गुन्ह्यातील दुचाकीसह मोबाईल जप्त केला.