जळगाव मिरर / २६ एप्रिल २०२३ ।
जळगाव शहरातील अजय डोहोळे संपादीत ब्रह्मदंड मासिकाच्या श्री. भगवान परशुराम जन्मोत्सव विशेषांकाचे अभिनेते व नाट्य कलावंत संदीप पाठक यांच्या हस्ते प्रकाशन करण्यात आले. यावेळी कार्यकारी संपादक अनघा डोहोळे, सँटर्डे क्लब जळगाव चँप्टरचे सचिव दिनेश थोरात यांची प्रमुख उपस्थिती होती.
या विशेषांकात ऋषी परंपरेचे सर्वोत्तम मार्गदर्शक श्री भगवान परशुराम, परशुराम कुंड, श्री भगवान परशुराम के जीवन से जुडी कुछ जानकारी, श्री भगवान परशुरामांचा मंत्र, जळगाव जिल्ह्यातील भगवान परशुरामाची विविध मंदिरे, भगवान परशुराम यांच्या मराठी व हिंदी आरत्या आदी लेख व इतर माहिती आणि थोरले बाजीराव पेशवे यांच्या पुण्यतिथी निमित्त…, श्री संत सखाराम महाराज परंपरेला सामाजिक चेहरा देणारे पू. प्रसाद महाराज या दोन विशेष लेखांचा समावेश आहे. जन्मोत्सव सोहळ्यात आलेल्या हजारो बहुभाषिक समाज बांधवांना या ४० पानी बहुरंगी छपाई असलेल्या विशेषांकाचे गेल्या १२ वर्षांपासून विनामूल्य वितरण करण्यात येते.
