जळगाव मिरर / १३ नोव्हेंबर २०२२
आतापर्यंत आपण शेतकरीच्या मुलांनी मोठं मोठे काम फत्ते करून दाखविले आहे, म्हणून तर म्हणतात ना ‘शेतकऱ्यांचा नादच खुळा’ अशीच एक कौतुकास्पद घटना पुण्यातील आंबेगाव येथे घडली आहे. येथील शेतकरीच्या मुलीने तब्बल एक तास पाण्यावर तरंगून दाखविले आहे. विशेष म्हणजे काहीही हालचाल न करता.
अनेक जण वेगवेगळ्या पद्धतीने पोहतात. पाण्यात पोहताना आणि तरंगताना दमछाक ही होतेच. मात्र एक अशी मुलगी आहे जी न पोहता काही मिनिटं नाही तर एक तासाहून अधिक वेळ कुठलीही हालचाल न करता पाण्यावर तरंगते. वैष्णवी वाघ असं या मुलीचं नाव आहे. वैष्णवी आंबेगाव तालुक्यातील रांजणी या गावची आहे. ती पाण्यावर तरंगते आणि तिच्या या कलेने ती सर्वांच्याच कुतूहलाचा विषय ठरली आहे.
रांजणी गावात मीरावस्तीत सुधीर सोपान वाघ हे शेतकरी राहतात. वैष्णवी ही त्यांची मुलगी आहे. वैष्णवी ही अकरावीत शिकते. करोनाच्या काळात शाळा-महाविद्यालय बंद असताना सुधीर वाघ यांनी वैष्णवीला घराशेजारी असलेल्या विहिरीत पोहायला शिकवले. रोजच्या सरावाने वैष्णवी पोहण्यात तरबेज झाली. पोहताना दम लागल्यानंतर ती उलटी होऊन पाण्यावर तरंगू लागली. हाच सराव करत असताना ती पाण्यावर आपल्या शरीराची कुठलीही हालचाल न करता बराच वेळ तरंगू लागली. आधी काही मिनिटे तरंगली, त्यानंतर एक तास पाण्यावर ती तरंगली. सातत्याने सराव केल्याने तिच्यात सुधारणा करून ती आता पाण्यावर बराच वेळ तरंगते. तिची ही पाण्यावर तरंगण्याची कला वेगळी असून त्यातच करिअर करायचे असल्याचे वैष्णवीचे ध्येय आहे. आई-वडील दोघेही शेतकरी. पण आपल्या मुलीची ही आगळी वेगळी कला पाहून त्यांनाही कौतुक वाटते आहे. या मुलीसारखे कुणीही तरंगण्याचा प्रयन्त करू नका अन्यथा दुर्देवी घटना घडू शकते हि बातमी फक्त धाडसाबद्दल आहे.
