जळगाव मिरर / ५ मार्च २०२३ ।
देशातील सरकारने २०१६ मध्ये अचानक नोटाबंदीची घोषणा केली होती. त्यामुळे जनतेमध्ये नेहमी संभ्रम निर्माण होत असतो. सोशल मिडीयावर नेहमी काही व्हिडीओ व्हायरल होत असतान देशातील आरबीआयकडून मोठी माहिती समोर येत आहे.
दरम्यान, 500 रुपयांच्या नोटबाबत मोठा खुलासा झाला आहे. जर तुम्हीही तुमच्या घरात 500 रुपयांच्या नोटा किंवा त्याचे बंडल ठेवले असेल, तर जाणून घ्या आता काय होणार. 500 रुपयांच्या दोन प्रकारच्या नोटा बाजारात पाहायला मिळत असून दोन्ही नोटांमध्ये थोडा फरक आहे. या दोन प्रकारच्या नोटांपैकी एक नोट बनावट असल्याचे म्हटले जात आहे. याबाबतची माहिती सोशल मीडियावर व्हायरल झालेल्या व्हिडिओमध्ये देण्यात आली आहे. चला जाणून घेऊया कोणत्या नोटा खऱ्या आहेत-
व्हिडिओमध्ये काय म्हटले आहे?
या व्हिडिओमध्ये एक प्रकारची नोट बनावट असल्याचे बोलले जात आहे. पीआयबीने या व्हिडिओची सत्यता तपासली, त्यानंतर त्याचे सत्य समोर आले आहे. व्हिडिओमध्ये असे म्हटले जात आहे की तुम्ही 500 रुपयांची कोणतीही नोट घेऊ नका, ज्यामध्ये हिरवी पट्टी आरबीआय गव्हर्नरच्या स्वाक्षरीतून जाते किंवा गांधीजींच्या फोटोच्या अगदी जवळ आहे. पण या व्हिडीओची सत्यता तपासली तेव्हा लक्षात आले की, हा व्हिडीओ पूर्णपणे बनावट आहे. बाजारात चालणाऱ्या दोन्ही प्रकारच्या नोटा वैध आहेत. तुमच्याकडे कोणतीही नोट असली तरी अजिबात काळजी करू नका. दोन्ही प्रकारच्या नोटा बाजारात चालू असल्याचे आरबीआयने म्हटले आहे.
