अमळनेर : विक्की उत्तम जाधव
अखिल भारतीय ग्राहक पंचायत अमळनेर आणि दिशा गॅस एजन्सी मार्फत विद्यार्थ्यांसाठी मार्गदर्शन प्रशिक्षणाचे आयोजन करण्यात आले. या प्रशिक्षणामध्ये विद्यार्थ्यांना ग्राहकाचे हक्क व कर्तव्ये तसेच ग्राहकांसाठी असलेल्या विविध सुविधांची माहिती दिली. तसेच दिशा गॅस एजन्सी तर्फे विद्यार्थ्यांना गॅस वापराबाबत प्रशिक्षण व गॅस वापरतांना काय काळजी घ्यावी याबाबत मार्गदर्शन करण्यात आले.
यावेळी अखिल भारतीय ग्राहक पंचायत अमळनेरचे अध्यक्षा सौ.स्मिता चंद्रात्रे, एडवोकेट-माजी अध्यक्ष तथा ग्राहक संरक्षण परिषदेचे सदस्य भारती अग्रवाल, जिल्हा बँकिंग व सायबर प्रमुख श्री.विजय शुक्ल, जिल्हा सहसंघटक श्री.मकसूदभाई बोहरी, सक्रिय सदस्य तथा साने गुरुजी विद्यालयाचे माजी मुख्याध्यापक श्री.सतीश देशमुख, दिशा गॅस एजन्सीचे मॅनेजर श्री.दिनेश भाई रेजा, लेखक कवी व पत्रकार श्री.सुभाष पाटील घोडगावकर, सदस्य विमल मैराळे, सदस्य मिलिंद निकम तसेच लोकमान्य विद्यालयाचे प्र.मुख्याध्यापक मनोहर महाजन तसेच सर्व शिक्षक व शिक्षकेतर कर्मचारी उपस्थित होते. यावेळी विद्यालयाचे जेष्ठ शिक्षक जितेंद्र चौधरी यांनी उपस्थितांचे आभार व्यक्त केले.
