शिरसोली प्र. बो. येथिल शेत रस्त्यासाठी पालकमंत्र्यांचाही सहभाग !

तालुक्यातील शिरसोली प्र. बो. येथिल जुना धानवड शेत रस्त्याची अत्यंत दयनीय अवस्था झाली होती. याबाबत स्थानिक शेतकऱ्यांनी पालकमंत्री गुलाबराव पाटील यांच्याकडे लोकसहभागातून रस्ता करण्याचा मानस बोलून दाखवला तात्काळ ना. गुलाबराव पाटील यांनी या रस्त्यासाठी आर्थिक मदत करून शेतकऱ्यांच्या लोकसहभागातून केवळ ८-१० दिवसांत २ किमी रस्त्याचे मुरुमीकरण पूर्ण करण्यात आले

शिरसोली येथे पालकमंत्री तथा शिवसेना नेते गुलाबराव पाटील यांनी शेतकऱ्यांनी आभार मानून ग्रामपंचायत सरपंच,ग्रामपंचायत सदस्य व सेनेचे पदाधिकारी आणि शेतकऱ्यांनी शाल श्रीफळ गुलाब बुके देऊन सरकार केला.यावेळी ना पाटील यांनी सदर रस्त्यावर स्थानिक आमदार निधीतून मोरी बांधकाम करण्यात येईल असे सांगून निधीची कमतरता भासू देणार नाही. सदर शिरसोली ते जुना धानवड रस्त्याचे दरजोन्नत करून पुढील काळात रस्त्याचे खडीकरण व डांबरीकरण करण्याचे आश्वासन दिले. यामुळे शेतकऱ्यांना शेतीसाठी मोठा फायदा होऊन दिलासा मिळणार आहे. सत्काराप्रसंगी शिरसोली प्र. बो. चे सरपंच प्रवीण बारी माजी सभापती नंदलाल पाटील, उपजिल्हाप्रमुख नानाभाऊ सोनवणे, सोसायटीचे चेअरमन विजय काटोले, माजी सरपंच प्रदीप पाटील, शिवदास बारी , नंदू वराडे, माजी सरपंच हिरामण काटोले, घनश्याम काटोले, भागवत बारी, अनिल पाटील, पंडित मामा, श्रावण ठाकूर व गावातील शेतकरी बांधव मोठ्या संख्येने उपस्थित होते.