जळगाव मिरर | ११ मे २०२६
गो-वंशाची कत्तल करुन त्याची कातडी बाळगणाऱ्या मासूम वाडी परिसरातील पत्र्याच्या खोलीवर एमआयडीसी पोलिसांनी छापा टाकला. या कारवाईत जनावरांची कातडी मिळून आली. ही कारवाई दि. ९ मे रोजी दुपारच्या सुमारास केली. याप्रकरणी एमआयडीसी पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील मासुमवाडी भागातील डायमंड हॉलच्या मागील बाजूस असलेल्या नाल्याजवळ एका बंद पत्र्याच्या खोलीत गो-वंशाची कत्तल करुन कातडी बाळगणाऱ्यांवर एमआयडीसी पोलिसांनी दि. ९ मे रोजी दुपारी छापा टाकला. याठिकाणी अल्पवयीन मुलाच्या ताब्यात या जनावरांची कातडी मिळून आली. पोलिसांनी ते अवशेष जप्त करीत संशयिताविरुद्ध एमआयडीसी पोलीस ठाण्यात गुन्हा दाखल करण्यात आला आहे. तपास पोहेकॉ चंद्रकांत पाटील हे करीत आहे.
