जळगाव मिरर | १ जून २०२६
रात्रीच्या वेळी वीज गेल्याने कुटुंब छतावर झोपण्यासाठी गेलेले असताना चोरट्यांनी दरवाजाचे कुलूप तोडून १८ ग्रॅम वजनाच्या सोन्याच्या दागिन्यांसह चांदीचे दागिने लांबविले. ही घटना २४ मे रोजी घडली. या प्रकरणी ३० मे रोजी तालुका पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, वैष्णवी पार्क परिसरातील सचिन रमेश भोई (४२) हे रिक्षाचालक आहे. रात्री उकाडा होत असल्यामुळे भोई कुटुंबीय गच्चीवर झोपण्यासाठी गेले. घटनास्थळी चोरट्याची चप्पल सापडली आहे. कदाचित घाईत पळून जाण्याच्या प्रयत्नात चोरट्याची चप्पल तेथे राहिली असावी, असा अंदाज वर्तविला जात आहे.
मध्यरात्री चोरट्यांनी लोखंडी दरवाजाचे कुलूप तोडून व लाकडी दरवाजाची कडी उघडून घरात प्रवेश केला. घरातील कपाटात असलेले १० ग्रॅम वजनाची सोनपोत, ८ ग्रॅम वजनाचे सोन्याचे टॉगल, १० भार वजनाचे चांदीचे वेल, ३ भार चांदीचे गोठ असा एकूण १३ हजार २०० रुपये किमतीचा मुद्देमाल चोरून नेला. मध्यरात्री भोई हे लघुशंकेसाठी उठले, त्या वेळी ही घटना लक्षात आली. या प्रकरणी ३० मे रोजी तालुका पोलिसात दिलेल्या फिर्यादीवरून गुन्हा दाखल करण्यात आला आहे.
