जळगाव मिरर | २६ डिसेंबर २०२३
आज कालची तरुणाई एकमेकाच्या प्रेमात काही हि करू शकतात, याचा अनुभव नेहमीच येत असतो. पण हि घटना जरा वेगळी आहे. ज्यामुळे अनेकांचे डोके चक्रावू शकते. हि घटना मुंबईतील पवई परिसरात घडली आहे. प्रेयसीने शॉपिंगसाठी 1 लाख रुपये मागितल्याने बॉयफ्रेंडने आत्महत्या केल्याचे उघड झाले आहे. या तरुणाचे नाव प्रथम आहे.
मिळालेल्या माहितीनुसार, पवई पोलीस स्टेशन हद्दीत राहणाऱ्या प्रथम या २० वर्षीय तरुणाने 1 नोव्हेंबर रोजी आपलं जीवन संपवलं. आपल्या मुलाने अचानक एवढं टोकाचं पाऊल का उचललं या विचाराने त्याचे आई वडील त्रस्त होते. मुलाच्या निधनाने त्यांच्यावर दुःखाचा डोंगर कोसळला होता. अशात मुलाच्या मित्राने आता त्याच्या आत्महत्येमागचे कारण सांगितले आहे. प्रथमच्या मित्राने त्याच्या वडिलांची भेट घेतली. तसेच प्रथामच्या गर्लफ्रेंडबाबत सांगितले. तरुणी प्रथमला सतत त्रास देत होती. तिने त्याच्याकडे शॉपिंगसाठी 1 लाख रुपये मागितले होते. एव्हढी मोठी रक्कम कुठून आणायची यामुळे तो चिंतेत होता. पैसे न दिल्याने ती त्याला सतत त्रास द्यायची. त्यामुळे त्याने जीवन संपवण्याचा निर्णय घेतला असावा, असं मित्राने सांगितलं.
वडिलांना ही माहिती समजताच त्यांनी पोलीस ठाण्यात धाव घेतली. तसेच तरुणीविरोधात तक्रार दाखल केली. पोलिसांनी तपासात प्रथमचा फोन तपासला. त्यावेळी यात त्या दोघांची चॅट पोलिसांना सापडली. त्यामुळे मुलाला आत्महत्येस प्रवृत्त केल्याप्रकरणी तिच्या विरोधात गुन्हा दाखल करण्यात आला आहे. तरुणीला अद्याप अटक करण्यात आलेली नाही. पोलीस या प्रकरणी आणखी तपास करत आहेत.
