जळगाव मिरर । ७ मे २०२३
देशात वादाच्या भोवऱ्यात सापडलेला चित्रपट म्हणजे ‘द केरळ स्टोरी’ पण चित्रपट मोठ्या पडद्यावर प्रदर्शित झालाच. या चित्रपटाचे शो काही ठिकाणी बंद देखील पाडण्यात आले. पण वाद आणि विरोध होत असताना देखील हा चित्रपट बॉक्स ऑफिसवर यशस्वी ठरत आहे. पहिल्या दिवशी हा चित्रपट 2023 सालच्या टॉप 5 ओपनिंग लिस्ट मध्ये सामील झाला आहे. या चित्रपटाच्या कलेक्शनने शेहजादा आणि द काश्मीर फाइल्स सारख्या चित्रपटांना मागे टाकले. केवळ 40 कोटींच्या बजेटमध्ये बनलेल्या या चित्रपटाने मोठ्या व्यावसायिक चित्रपटांना मागे टाकले आहे. केरळ स्टोरी 2023 मधील पाचव्या सर्वात मोठ्या ओपनिंग करणार चित्रपट ठरला आहे.
अनेक वादविवाद, विरोधानंतर द केरळ स्टोरी हा चित्रपट बॉक्स ऑफिसवर प्रदर्शित झाला. 5 मे रोजी हा चित्रपट प्रदर्शित झाल्यानंतर त्याला प्रेक्षकांकडून कसा प्रतिसाद मिळतोय याकडे समीक्षकांचं लक्ष वेधलं होतं. विशेष म्हणजे सिनेमा प्रदर्शित झाल्यानंतरही तो वादात सापडला. या सिनेमात अनेक खोटे दावे करण्यात आहे. परंतु, अनेक संकट पार करत हा सिनेमा बॉक्स ऑफिसवर गाजू लागला आहे. या सिनेमाने बॉक्स ऑफिसवर यशस्वी घोडदौड सुरु केली असून दुसऱ्या दिवशीही त्याने बक्कळ कमाई केली आहे. सुदिप्तो सेन दिग्दर्शिक द केरळ स्टोरी या सिनेमाने पहिल्या दिवशी 7.5 कोटींची कमाई केली. त्यामुळे या सिनेमाने पहिल्याच दिवशी दणक्यात ओपनिंग केली. इतकंच नाही तर दुसऱ्या दिवशीही हा सिनेमा बॉक्स ऑफिस गाजवत आहे. या सिनेमाने दुसऱ्या दिवशी चक्क 12.50 कोटी रुपयांची कमाई केली आहे. दरम्यान, सुदीप्तो सेन यांचा ‘द केरळ स्टोरी’ या सिनेमाची प्रदर्शनापूर्वीच सोशल मीडियावर चांगलीच चर्चा रंगली होती. हा सिनेमा लव्ह जिहादला प्रोत्साहन देत असल्याचा दावा करत अनेकांनी त्याच्यावर बहिष्कार टाकण्याची मागणी केली होती. या सिनेमात अभिनेत्री अदा शर्माने मुख्य भूमिका साकारली आहे.