जळगाव मिरर / २७ मार्च २०२३ ।
सध्याच्या युगात प्रेमप्रकरणातून अनेक धक्कादायक खुलासे काही दिवसात बाहेर येताना दिसत आहे. एका महिलेचे २० वर्षापूर्वी लग्न झाले होते. त्यांना एक मुलगी व एक मुलगा असे अपत्य देखील असतांना तिने आता जे केले ते धक्कादायक केले. लग्नाच्या पतीकडून दोन मुल असतांना महिलेने अचानक घरातून बाहेर निघून दुसऱ्या तरुणाशी लग्न करीत पतीला लग्नाचे फोटो पाठविल्याने पतीच्या पायाखालची जमीनच हादरली आहे. हे प्रकरण हिमाचल प्रदेशातील उना जिल्ह्यातील आहे. महिलेचा शोध घेण्यासाठी पतीने पोलिसांत तक्रार दिली आहे. याप्रकरणी गगरेट पोलीस तपास करत आहेत.
मिळालेल्या माहितीनुसार, उना जिल्ह्यातील गगरेट येथील रहिवासी असलेल्या घनारी यांनी पोलिसांत तक्रार दिली आहे. त्यांनी सांगितले की, त्यांच्या पत्नीने त्यांना सकाळी काही कामासाठी उना येथे जात असल्याचे सांगितले. त्यानंतर ती आपल्या माहेरच्या बांगना येथे जाईल. पण दुसऱ्या दिवशी सकाळी मला बायकोचा फोन आला की मी आता घरी येणार नाही, मी दुसरं लग्न केलं आहे. मला दोन मुले आहेत. मुलांची परीक्षा सुरू आहेत. एक मुलगी बारावीत शिकते. मुलगा नववीची परीक्षा देतोय.सध्या पोलिसांनी तक्रारीवरून महिलेचा शोध सुरू केला आहे. तक्रारदारही आपल्या स्तरावर पत्नीचा शोध घेत आहेत. एसपी उना अर्जित सेन यांनी दिलेल्या माहितीनुसार, तक्रारीवरून तपास सुरू करण्यात आला आहे. या प्रकरणाची चौकशी केल्यानंतर आरोपींवर कारवाई केली जाईल.
मिळालेल्या माहितीनुसार, तक्रारदार आणि महिलेचा २० वर्षांपूर्वी विवाह झाला होता. तक्रारदार नाराज आहे कारण त्याचे पत्नीसोबतचे संबंध पूर्णपणे चांगले होते आणि कोणत्याही प्रकारचा दुरावा नव्हता. तसेच वादही झाला नाही. फोन करून ती पतीला म्हणाली, अहो ऐका, मी दुसरं लग्न केलंय, आता परत येणार नाही. या महिलेने दुसऱ्या लग्नाचा फोटोही पतीला सोशल मीडियावरून पाठवला आहे. फोटोत पत्नी दुसर्या पुरुषाला हार घालताना दिसत आहे.
