जळगाव मिरर / ७ एप्रिल २०२३ ।
जळगाव जिल्ह्यातून अनेक तालुक्यातील अल्पवयीन मुलीना पळवून नेल्याच्या तक्रारीत वाढ होत आहे. तर नुकतेच दि ५ रोजी एकाच दिवसात वेगवेगळ्या तालुक्यातून दोन अल्पवयीन मुलीना पळवून नेल्याप्रकरणी एरंडोल पोलिसात तर दुसरा गुन्हा पिंपळगाव हरे.पोलिसात दाखल करण्यात आला आहे.
मिळालेल्या माहिती नुसार पहिली घटना एरंडोल शहरातील एका परिसरात १६ वर्षीय अल्पवयीन मुलगी आपल्या परिवारासह वास्तव्यास आहे. दि ५ रोजी सकाळी १० वाजेच्या सुमारास ती घरी असताना अनोळखी इसमाने काही तरी फूस लावत पळवून नेल्या प्रकरणी अल्पवयीन मुलीच्या वडिलानी एरंडोल पोलिसात धाव घेत अनोळखी चोरट्या विरोधात गुन्हा दाखल केला आहे. या प्रकरणी पुढील तपास सपोनि.गणेश अहिरे हे करीत आहे.
दुसरी घटना पाचोरा तालुक्यातील कासमपुरा येथे १५ वर्षीय अल्पवयीन मुलगी आपल्या आजी सोबत वास्तव्यास आहे. दि ५ ते ६ रोजी दरम्यान अल्पवयीन मुलगी घरी असतांना अनोळखी इसमाने तिला फूस लावून घरातून पळवून नेल्या प्रकरणी अल्पवयीन मुलीच्या आजीने पिंपळगाव हरे.पोलिसात धाव घेत अनोळखी इसमाविरोधात गुन्हा दाखल करण्यात आला आहे. पुढील तपास पोहेकॉ.किरण ब्रह्माणे हे करीत आहेत.
