जळगाव मिरर | २८ डिसेंबर २०२४
वरणगाव ते बोहर्डी गावादरम्यान असलेल्या पेट्रोल पंपाजवळ कार आणि ट्रेलरच्या धडकेत दोन जण गंभीर जखमी झाल्याची घटना बुधवारी पहाटे ४ वाजेच्या सुमारास घडली आहे. याप्रकरणी दोन दिवसानंतर वरणगाव पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, बुलडाणा जिल्ह्यातील मलकापूर येथील भगवान महावीर मार्गावर राजेंद्र नथमल कोचर (वय ६९) हे वृध्द आपल्या परिवारासह वास्तव्याला आहेत. २५ डिसेंबर रोजी पहाटे ४ वाजता शाम पुंडलीक खैरे यांच्यासोबत कार (एमएच २८, आर ३६३७) ने ते मालेगाव येथे जात होते. दरम्यान, वरणगाव ते बोहर्डी गावादरम्यान असलेल्या पेट्रोल पंपाजवळ समोरून येणाऱ्या ट्रेलरने त्यांच्या कारला जबर धडक दिली. या धडकेत राजेंद्र नथमल कोचर आणि त्यांच्या सोबत असलेले सुगमचंद उत्तमचंद आगड (दोन्ही रा. मलकापूर) हे जखमी झाले आहे. अपघातानंतर जखमींना तातडीन वरणगाव ग्रामीण रूग्णालयात दाखल करण्यात आले होते. याप्रकरणी राजेंद्र कोचर यांनी दिलेल्या फिर्यादीरून कार चालक शाम खैरे आणि ट्रेलरवरील अज्ञात चालकाविरुद्ध गुन्हा दाखल करण्यात आला आहे. या घटनेचा तपास पो.हे.कॉ. यासीन पिंजारी करत आहेत.
