जळगाव मिरर / २० एप्रिल २०२३ ।
शहरातील नवी पेठ परिसरातून एका कामगाराची दुचाकी चोरी झाल्याची घटना घडली असून या प्रकरणी शहर पोलिसात अनोळखी चोरट्या विरोधात गुन्हा दाखल करण्यात आला आहे.
मिळालेल्या माहितीनुसार, शहरातील कुसुंबा शिवारातील सुरेशदादा जैन नगरातील राहिवासी शांताराम शालीग्राम वाघ (वय ४६) हे हातमजुरी करून आपल्या परिवाराचा उदरनिर्वाह करतात. ते दि १४ एप्रिल रोजी गावात कामानिमित आले असता त्यांनी आपली दुचाकी क्र.एम.एच.१९.सीएच.४०१६ हि नवी पेठ परिसरात असलेल्या एका दुकानाच्या बाजूच्या गल्लीत लावलेली होती. आपले काम आटोपून आल्यानंतर रात्री ९ वाजेच्या सुमारास त्यांना दुचाकी आढळून न आल्याने त्यांनी लागलीच शहर पोलिसात धाव घेत अनोळखी चोरट्या विरोधात गुन्हा दाखल केला आहे. पुढील तपास पोना.राजकुमार चव्हाण हे करीत आहेत.
