जळगाव मिरर | २९ नोव्हेबर २०२४
जुन्या वादातून एका महिलेच्या बंद घराचा दरवाजा तोडून घरातील साहित्याची तोडफोड करीत आग लावून घर जाण्याचा प्रयत्न करण्यात आला. हा प्रकार दि. २१ नोव्हेंबर रोजी राजमलती नगरात घडला. याप्रकरणी दि. २७ नोव्हेंबर रोजी शहर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, शहरातील राजमालती नगरात नाजेमा परवीन राजू पटेल (वय ४६) या महिलेचे घर बंद असताना सहा ते सात जणांनी बंद घराचा दरवाजा तोडून आत प्रवेश केला. त्यानंतर घरातील साहित्याची तोडफोड केली. तसेच काही साहित्यास आग लावून घर जाळण्याचा प्रयत्न केला. या विषयी शेजारी राहणाऱ्या महिलेने नाजेमा पटेल यांना या घटनेची माहिती दिली. या विषयी महिलेने दि. २७ नोव्हेंबर रोजी शहर पोलिस ठाण्यात फिर्याद दिली. त्यावरून सहा ते सात जणांविरुद्ध गुन्हा दाखल करण्यात आला आहे. पुढील तपास पोउनि रामचंद्र शिखरे करीत आहेत.
