जळगाव मिरर | १९ जून २०२६
शहरातील छत्रपती शिवाजी नगर परिसरातील नवीन कानळदा रोड येथील राजराजेश्री अपार्टमेंटसमोर गौमास वाहतुकीच्या संशयावरून वाहन तपासणी करणाऱ्या तरुणांवर १०-१५ जणांनी हल्ला करून बेदम मारहाण केली. ही घटना गुरुवारी दुपारी दोन वाजेच्या सुमारास घडली. या मारहाणीत दोन जण गंभीर जखमी झाल्याने त्यांना जीएमसी रुग्णालयाच्या अतिदक्षता विभागात दाखल करण्यात आले आहे. दरम्यान या प्रकरणी गुन्हा दाखल करण्यात येत आहे.
जखमी दिलेल्या माहितीनुसार, राहुल सोनवणे व योगेश साळी यांना शिवाजीनगर भागात गोमांसाची वाहतूक होत असल्याची माहिती मिळाली. याबाबत खात्री करण्यासाठी उस्मानिया पार्क परिसरातील राजराजेश्री अपार्टमेंटसमोर त्यांनी छोटा हत्ती गाडी (क्र. एमएच ०४ एचडी ७५२९) थांबवली आणि गाडी तपासताना सिटी कॉलनीतील समशेर नावाच्या व्यक्तीने वाद घालून शिवीगाळ केली. कॉलनीतून १०-१५ जणांना फोन करून बोलावले आणि योगेश साळी याच्यावर लोखंडी पाइपने वार केला. तेव्हा त्याला अडवण्यासाठी गेलेल्या राहुल सोनवणेच्या डोक्यात पाइप लागून राहुलचे डोके फुटले. त्यातून मोठ्या प्रमाणावर रक्तस्त्राव झाला. त्याला तातडीने जीएमसी रुग्णालयात दाखल करण्यात. रक्तस्राव जास्त झाल्याने त्याची शुद्ध हरपली. त्याच्या डोक्यावर १८ टाके टाकले. त्याच्यावर अतिदक्षता कक्षात उपचार सुरू आहे तर योगेशला बेदम मारहाण झाल्याने त्याच्यावरही जीएमसी रुग्णालयात उपचार सुरू आहेत.रात्री उशिरा शहर पोलिसात गुन्हा दाखल करण्याचे काम सुरु होते.
