जळगाव मिरर | २९ नोव्हेबर २०२४
बसमध्ये चढत असताना गर्दीचा फायदा घेत चोरट्यांनी सोनाली ज्ञानेश्वर गांगुर्डे (वय ३६, रा. नाशिक) या महिलेच्या गळ्यातील ४२ हजार रुपये किमतीचे सोन्याचे मंगळसूत्र चोरून नेले. ही घटना बुधवार दि.२७ नोव्हेंबर रोजी घडली. याप्रकरणी जिल्हापेठ पोलिस ठाण्यात अज्ञात चोरट्यांविरुद्ध गुन्हा दाखल करण्यात आला आहे.
नाशिक येथील सोनाली गांगुर्डे या जळगाव येथील नवीन बसस्थानकात जळगाव ते पाचोरा या बसमध्ये चढत असताना त्यांच्या गळ्यातील १४ ग्रॅम वजनाची ४२ हजार रुपये किमतीचे सोन्याचे मंगळसूत्र अज्ञात चोरट्याने चोरून नेली. हा प्रकार लक्षात आल्यानंतर त्यांनी सर्वत्र शोध घेतला. परंतु कोणतीच माहिती मिळाली नाही. त्यांनी जिल्हापेठ पोलिस ठाण्यात फिर्याद दिली. त्यावरुन अज्ञात चोरट्यांविरुद्ध गुन्हा दाखल करण्यात आला. पुढील तपास पोकॉ नरेश सोनवणे करीत आहेत.
