जळगाव : प्रतिनिधी
जळगाव – धुळे महामार्गावर असलेल्या बांभोरी गावाजवळ दि २९ रोजी रात्री दुचाकीवर घरी येत असतांना तरुणाला एका वाहनाने धडक दिल्याने तरुण जागीच ठार झाल्याची घटना घडली आहे. पाळधी पोलिसात अकस्मात मृत्युची नोंद करण्यात आले आहे.
सविस्तर वृत्त असे की, तालुक्यातील शिरसोली येथील रहिवासी असलेल्या गोकुळ रामदास फुसे (वय ४०) हा कॉम्पुटर इंजिनिअर असून तो नाशिक येथे खाजगी ठेकेदार आहे. नाशिक येथून आपले काम आटोपून शिरसोली येथिल आपल्या घरी येत असताना सोमवारी रात्री १२ वाजेच्या सुमारास बांभोरी गावानजीक अद्यात वाहनाने जबर धडक दिल्याने त्याचा जागीच मृत्यु झाला. दरम्यान त्याला जिल्हा रुग्णालयात आणले असता वैदकीय अधिकाऱ्यांनी त्यास मयत घोषित केले. याप्रकरणी पाळधी दूरक्षेत्र पोलिसात अकस्मात मृत्यूची नोंद करण्यात आली आहे.