जळगाव मिरर | १८ डिसेंबर २०२३
राज्यातील अनेक शहरात अल्पवयीन मुलीसह विवाहितेसोबत होणारे विनयभंगाच्या अनेक घटना घडत असतात, अशीच एक धक्कादायक घटना पुण्यात घडली असून या घटनेत एका ७० वर्षीय वृद्ध व्यक्तीने कार्यालयातील सहकारी महिलेचा विनयभंग केला असून तो इतकंच नाही, तर तिला जवळ खेचत जबरदस्ती चुंबन देखील घेतलं आहे. याप्रकरणी पीडित महिलेच्या फिर्यादीवरून डेक्कन पोलिसांत गुन्हा दाखल करण्यात आला आहे.
मिळालेल्या माहितीनुसार, पुण्यातील एका ऑफिसमध्ये राजीव विनायक विळेकर (वय ७०) हे काम करीत असून याच ऑफिसमध्ये पीडित महिला देखील कामाला आहे. रविवारी दि. १७ डिसेंबर महिला कामावर असताना आरोपी तिच्याजवळ आला. त्याने पीडितेकडे चुंबनाची मागणी केली. महिलेने नकार दिल्यानंतर आरोपीने तिचा विनयभंग केला. इतकंच नाही, तर त्यांनी महिलेला जबरदस्तीने खेचत तिचं चुंबन देखील घेतलं.
या संपूर्ण प्रकारानंतर पीडितेने तातडीने डेक्कन पोलिसांत धाव घेत तक्रार दाखल केली. दरम्यान, पीडित महिलेच्या तक्रारीनुसार डेक्कन पोलिसांनी ७० वर्षीय आरोपी वृद्धावर गुन्हा दाखल केला आहे. या घटनेनं परिसरात खळबळ उडाली आहे.