जळगाव मिरर । १३ जून २०२३
राज्यात गेल्या काही दिवसापासून भारतीय जनता पार्टी व एकनाथ शिंदे यांची शिवसेना राज्यात सत्ता मिरवत असतांना भाजप व शिवसेनेत अनेक वाद झाले पण ते बाहेर आले नाही. पण आज राज्यातील अनेक वर्तमान पत्रात एक जाहिरात आली अन भाजप नाराज झाल्याची चर्चा राज्यभर रंगू लागली.
राज्याचे मुख्यमंत्री एकनाथ शिंदे यांच्या एका जाहिरातीलमुळे भाजप नेते व उपमुख्यमंत्री देवेंद्र फडणवीस यांनी त्यांचा कोल्हापूर दौरा रद्द केल्याची चर्चा जोर धरु लागली आहे. मात्र, शिंदे गटाचे नेते तथा मंत्री दीपक केसरकर यांनी आमच्या मतभेद नसल्याचे सांगितले. तसेच देवेंद्र फडणवीसांचा कानाला इजा झाली आहे, त्यांना डॉक्टरांनी प्रवास करण्यास नकार दिल्याचे उत्तर दिले.
काय घडले नेमके ?
मुख्यमंत्री एकनाथ शिंदे यांच्यासह शासन आपल्या दारी कार्यक्रमासाठी उपमुख्यमंत्री देवेंद्र फडणवीस यांचा कोल्हापूर दौरा नियोजित होता. मात्र, आजच्या जाहीरातीमुळे भाजप नेत्यांनी आपली नाराजी व्यक्त केली आहे. यातूनच भाजपामध्ये अस्वस्थता असून याच कारणातून देवेंद्र फडणवीसांनी कोल्हापूर दौरा रद्द केला अशी चर्चा राजकीय वर्तुळात सुरू आहे. यावर बोलताना कोल्हापूरचे पालकमंत्री देवेंद्र फडणवीस यांच्याऐवजी चंद्रकांत पाटील हे कोल्हापूर दौऱ्यावर जाणार आहेत, अशी माहिती त्यांनी आज माध्यमांशी संवाद साधताना दिली आहे.
काय आहे जाहिरातीत ?
मुख्यमंत्री एकनाथ शिंदे यांच्या शिवसेनेमार्फत आज वेगवेगळ्या वर्तमानपत्रात दिलेल्या जाहिरातीमुळे शिवसेना-भाजप यांच्यात धुसफूस सुरू झाल्याची चर्चा रंगली आहे. देशात मोदी, राज्यात शिंदे या मथळ्याखाली ही जाहिरात प्रसिद्ध करण्यात आली आहे. राज्यातील सर्व प्रमुख वृत्तपत्रांत राष्ट्रामध्ये मोदी, महाराष्ट्रात शिंदे, अशी जाहीरात देत शिंदेसेनेने आज चांगलीच खळबळ उडवून दिली. झी टीव्ही व मॅटराईझ या संस्थेने केलेल्या सर्व्हेवर ही जाहीरात देण्यात आली आहे. त्यात महाराष्ट्रातील 46.4 टक्के जनता भाजप आणि शिंदेंच्या शिवसेनेला पुन्हा सत्तेवर आणण्यासाठी इच्छुक आहे, असा दावा करण्यात आला आहे.
