जळगाव : प्रतिनिधी
तालुक्यातील नशिराबाद येथे रस्ता ओलांडत असतांना अज्ञात वाहनाच्या धडकेत वयोवृद्ध व्यक्तीचा जागीच मृत्यू झाल्याची घटना घडली आहे. याप्रकरणी नशिराबाद पोलीस ठाण्यात अज्ञात वाहनचालकाविरोधात गुन्हा दाखल करण्यात आला आहे.
सविस्तर वृत्त असे की, नशिराबाद येथील रहिवासी जगन्नाथ रघुनाथ मिस्‍तरी (वय-५५) हे मंगळवार १२ एप्रिल रोजी दुपारी १ वाजेच्या सुमारास बसस्थानकाजवळून राष्ट्रीय महामार्ग ओलांडत असतांना भरधाव वेगाने येणाऱ्या अज्ञात वाहनाने त्यांना जोरदार धडक दिली. या अपघातात त्यांचा जागीच मृत्यू झाला. याठिकाणाहून अज्ञात वाहनधारक वाहन घेऊन पसार झाला. याबाबत सुधाकर जाधव यांनी दिलेल्या फिर्यादीवरून नशिराबाद पोलीस ठाण्यात गुन्हा दाखल करून पुढील तपास पोलीस हेडकॉन्स्टेबल अतुल महाजन करीत आहे.
