जळगाव मिरर | २६ सप्टेंबर २०२३
जळगाव शहरातील गेंदालाल मिल परिसरात २७ वर्षीय तरुण हातात तलवार घेवून दहशत माजवीत असल्याची माहिती जळगाव शहर पोलीसांना मिळताच पथकाने याप्रकरणी सोमवारी तरुणाला अटक केली असून त्यांच्याजवळून लोखंडी तलवार ताब्यात घेतली आहे. याप्रकरणी जळगाव शहर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, शहरातील गेंदालाल मिल परिसरात संशयित आरोपी दिपक प्रकाश भोसले (वय-२७) हा बेकायदेशीरित्या हातात लोखंडी तलवार घेवून फिरत असल्याची गोपनिय माहिती शहर पोलीस ठाण्याचे पोलीस निरीक्षक अनिल भवारी यांना मिळाली. त्यानुसार त्यांनी पथकाला कारवाई करण्याच्या सुचना दिल्या. शहर पोलीस ठाण्याचे गुन्हे शोध पथकाने सोमवारी २५ सप्टेंबर रोजी सायंकाळी ७ वाजेच्या सुमारास कारवाई करत संशयित आरोपी दिपक भोसले याला अटक केली. त्याच्याकडून लोखंडी तलवार हस्तगत करण्यात आली आहे. पुढील तपास पोहेकॉ विजय निकुंभ करीत आहे.
