जळगाव मिरर | ३० सप्टेंबर २०२३
सध्याच्या युगात अनेक लोक सोशल मीडियावर मोठ्या प्रमाणात जुडले आहे. यात अनेकांनी स्पेशल व्हिडीओ बनवून कमी काळात प्रसिद्धी देखील मिळविली आहे. अनेक लोक आपल्या व्हिडीओ खास करण्यासाठी मेहनत करत असतात कारण ते मोठ्या प्रमाणात व्हायरल देखील होत असतात. पण असाच एक व्हिडीओ बनविणे तरुणाला महागात पडले आहे.
tw // disturbing
Barabanki: A teenager Farmaan (14) who was purportedly making a video for Instagram reels along the railway tracks was kiIIed when he was struck by a running train. pic.twitter.com/Ysxl895ABD
— زماں (@Delhiite_) September 30, 2023
काय आहे घटना
उत्तर प्रदेशातील बाराबंकी येथील जहांगीराबादचा रहिवासी असलेल्या तरुण रील बनवण्याच्या नादात आपला जीव गमावून बसला आहे. फरमान असे या तरुणाचे नाव असून तो 14 वर्षांचा होता. फरमान रेल्वे रुळांवर बेपर्वाईने रील तयार करत असताना त्याला धावत्या ट्रेनने धडक दिली, ज्यात त्याचा मृत्यू झाला. सध्या या घटनेचा धक्कादायक व्हिडिओ सोशल मिडियावर व्हायरल होत आहे. अहवालानुसार, फरमान आपल्या 3 मित्रांसह मिरवणूक पाहण्यासाठी जात होता. मात्र, मध्येच त्याने रेल्वे क्रॉसिंगजवळ थांबून रुळावर रील बनवण्याचा विचार केला. त्याच्या मित्रांनीही त्याचे म्हणणे मान्य केले. त्यानंतर काहीही विचार न करता फरमान रेल्वे रुळावर जाऊन उभा राहिला व त्याचवेळी ट्रेनने त्याला धडक दिली.
