जळगाव मिरर | १३ जानेवारी २०२४
डॉजबॉल फेडरेशन ऑफ इंडिया संलग्नित महाराष्ट्र डॉजबॉल असोसिएशन यांच्यातर्फे दि.५ मे २०२३ रोजी लाडकारंजा जि.वशिम येथे राज्यस्तरीय डॉजबॉल पंच परीक्षा घेण्यात आली होती. निकाल आज महाराष्ट्र डॉजबॉल असोसिएशन महासचिव डॉ. हनुमंत लुगे यांनी नुकताच जाहीर केला.
या राज्यस्तरीय डॉजबॉल पंच परीक्षेत जळगाव जिल्ह्यातून जामनेरपुरा येथील इंदिराबाई ललवाणी कनिष्ठ महाविद्यालयाचे क्रीडा शिक्षक प्रा.समीर विष्णू घोडेस्वार “B” श्रेणीत विशेष प्राविण्यासह उत्तीर्ण झाले.
त्यांच्या या यशाबद्दल इंदिराबाई ललवाणी शैक्षणिक संकुलाचे अध्यक्ष राजेंद्र भाऊ महाजन, सचिव किशोर भाऊ महाजन, मुख्याध्यापक एस आर चव्हाण, उपप्राचार्य प्रा.के.एन. मराठे, पर्यवेक्षक प्रा.के.डी निमगडे, प्रा.जी जी अत्तरदे , प्रा.डी. झेड.गायकवाड यांनी अभिनंदन केले. तर महाराष्ट्र राज्य डॉजबॉल असोसिएशनचे उपाध्यक्ष तथा जळगाव जिल्हा डॉजबॉल असोसिएशनचे अध्यक्ष राजेश जाधव यांचे मार्गदर्शन लाभले.