जळगाव मिरर | ६ जुलै २०२४
जळगाव जिल्ह्यातील भाविकांसाठी महत्वाची बातमी समोर आली आहे. आषाढी एकादशीनिमित्त जिल्ह्यातील भाविकांना पंढरपूर येथे दर्शनासाठी जाण्यासाठी रेल्वेने विशेष गाड्याचे नियोजन केले आहे. पंढरपूर येथे रेल्वेने जाणाऱ्या प्रवाशांसाठी नागपूर-मिरज, अमरावती- पंढरपूर, खामगाव-पंढरपूर, भुसावळ-पंढरपूर या ‘पंढरपूर आषाढी एकादशी’ विशेष गाड्या सुरू करण्यात येत आहे.
नागपूर-मिरज (२ सेवा) गाडी क्रमांक ०१२०५ ही नागपूर येथून १४ जुलै रोजी ८:५० वाजता सुटेल आणि दुसऱ्या दिवशी ११:५५ वाजता मिरजला पोहोचेल. गाडी क्रमांक ०१२०६ ही मिरज येथून १८ जुलै रोजी १२:५५ वाजता सुटेल आणि दुसऱ्या दिवशी १२:२५ वाजता नागपूरला पोहोचेल.
या गाड्यांना वर्धा, पुलगाव, धामणगाव, चांदूर, बडनेरा, मूर्तिजापूर, अकोला, शेगाव, मलकापूर, भुसावळ, जळगाव, चाळीसगाव आदी ठिकाणी थांबे आहेत. नागपूर-मिरज (२ सेवा) गाडी क्रमांक ०१२०७ नागपूरहून १५ जुलै रोजी ८:५० वाजता सुटेल आणि दुसऱ्या दिवशी ८ वाजता मिरज येथे पोहोचेल.
गाडी क्रमांक ०१२०८ मिरज येथून १९ रोजी १२:५५ वाजता सुटेल आणि दसऱ्या दिवशी १२-२५ वाजता नागपूरला पोहोचेल. या गाड्यांना वर्धा, पुलगाव, धामणगाव, चांदूर, बडनेरा, मूर्तिजापूर, अकोला, शेगाव, मलकापूर, भुसावळ, जळगाव, चाळीसगाव आदी ठिकाणी थांते आहेत. नवी अमरावती-पंढरपूर विशेष (४ सेवा) गाडी क्रमांक ०१११९ नवी अमरावती येथून १३ आणि १६ जुलै रोजी दुपारी २:४० वाजता सुटेल आणि दुसऱ्या दिवशी ९:१० वाजता पंढरपूरला पोटोचेल.
गाडी क्रमांक ०११२० पंढरपूर येथून १४ आणि १७ रोजी सायंकाळी ७:३० वाजता सुटेल आणि दुसऱ्या दिवशी १२:४० वाजता नवी अमरावती येथे पोहोचेल. या गाड्यांना बडनेरा, मूर्तिजापूर, अकोला, शेगाव, जलंब, • नांदुरा, मलकापूर, बोदवड, भुसावळ, जळगाव, पाचोरा, चाळीसगाव येथे थांबे असतील.
खामगाव-पंढरपूर विशेष (४ सेवा) गाडी क्रमांक ०११२१ खामगाव येथून १४ आणि १७ रोजी ११:३० वाजता सुटेल आणि दुसऱ्या दिवशी ३:३० वाजता पंढरपूरला पोहोचेल. गाडी क्रमांक ०११२२ पंढरपूर येथून १५ आणि १८ रोजी ५ वाजता सुटेल आणि दुसऱ्या दिवशी सायंकाळी ७:३० वाजता खामगावला पोहोचेल. जलंब, नांदुरा, मलकापूर, बोदवड, भुसावळ, जळगाव, पाचोरा, चाळीसगाव येथे थांबे असतील.
भुसावळ-पंढरपूर विशेष अनारक्षित (२ सेवा) गाडी क्रमांक ०११५९ विशेष गाडी भुसावळ येथून १६ जुलै रोजी दुपारी १:३० वाजता सुटेल आणि दुसऱ्या दिवशी रात्री ३:३० वाजता पंढरपूरला पोहोचेल. गाडी क्रमांक ०११६० पंढरपूर येथून १७ जुलै रोजी रात्री १०:३० वाजता सुटेल आणि दुसऱ्या दिवशी दुपारी १ वाजता भुसावळला पोहोचेल. जळगाव, पाचोरा, चाळीसगाव येथे थांबे आहेत.
