जळगाव मिरर | ९ जुलै २०२४
राज्यात आगामी विधानसभा निवडणुकीपूर्वीच अनेक पक्षांना मोठे धक्के बसणार असतांना नुकतेच आता मनसेचे पुण्यातील माजी नेते वसंत मोरे यांनी मनसेला मोठा धक्का देत ठाकरे गटात प्रवेश करणार आहे. मनसेनंतर आता वसंत मोरे हे वंचितलाही रामराम करणार आहेत. आज ठाकरे गटाचे प्रमुख उद्धव ठाकरे यांच्या उपस्थितीत ते शिवबंधन हाती बांधणार आहेत. विशेष म्हणजे त्यांच्यासह पुण्यातील मनसेचे तब्बल 23 नेते आणि पदाधिकाऱ्यांचा देखील ठाकरे गटात प्रवेश होणार आहे. त्यामुळे येणाऱ्या लोकसभा निवडणुकीच्या पार्श्वभूमीवर हा मनसेसाठी मोठा धक्का असणार आहे. माझ्या मागे जनतेची शक्ती आहे ती शक्ती सातत्याने माझ्या पाठीमागे असते अशी प्रतिक्रिया त्यांनी एका वृत्तवाहिनीशी बोलतांना दिली आहे.
यावेळी ते म्हणाले, ”माझे हे शक्तीप्रदर्शन पहिल्यांदा नाही. माझ्या मागे जनतेची शक्ती आहे ती शक्ती सातत्याने माझ्या पाठीमागे असते. कार्यकर्त्यांची ताकद वसंत मोरेंच्या पाठीमागे आहे. गेल्या 17 वर्षांपासून पुणे शहरात वेगळे राजकारण सुरू आहे. आज जवळपास मनसेचे 17 शाखाअध्यक्ष, 5 उपविभाग अध्यक्ष, 1 शहराध्यक्ष, पर्यावरण सेनेचे अनेक पदाधिकारी, वाहतूक सेनेचे पदाधिकारी, माथाडीचे पदाधिकारी बऱ्यापैकी आज माझ्यासोबत सर्वचजण प्रवेश करत आहेत”, असे वसंत मोरे यांनी सांगितले.
तसेच ते म्हणाले, ”मी यापैकी कोणालाही जबरदस्ती केलेली नाही. अगदी पहिल्या दिवसापासून मी प्रत्येकाला सांगतोय की ज्यांना पक्षात राहायचे ते राहू शकतात. परंतू पक्षात जे राजकारण सुरू होते, हे या सर्व पदाधिकाऱ्यांनी डोळ्यांनी पाहिले आहे. त्यामुळे कोणालाही जबरदस्ती न करता मी या सर्व पदाधिकाऱ्यांसह पक्षात प्रवेश करत आहेत, असेही मोरेंनी स्पष्ट केले आहे.
दरम्यान, काही दिवसांपूर्वीच वसंत मोरे यांनी ठाकरे गटाचे प्रमुख उद्धव ठाकरे यांची भेट घेतली होती. त्यावेळी लवकरच मी शिवसेनेत प्रवेश करणार असल्याचे मोरेंनी सांगितले होते. लोकसभा निवडणुकीच्या वेळेस मनसेला रामराम केल्यानंतर त्यांनी वंचितमध्ये प्रवेश केला होता. यानंतर त्यांना वंचितकडून पुण्यात उमेदवारी जाहीर करण्यात आली होती. मात्र त्यांचा पराभव झाला आणि भाजपचे मुरलीधर मोहोळ विजयी झाले.
