जळगाव मिरर | २४ जुलै २०२५
देशातील ज्येष्ठ कायदेतज्ज्ञ उज्ज्वल निकल हे आता राज्यसभेवरील खासदार झाले आहेत. त्याआधी त्यांनी मध्य मुंबईतून लोकसभेची निवडणूक लढवली होती. मात्र, त्यांच्या वाट्याला पराभव आला होता. देशातील काही सुप्रसिद्ध सरकारी वकिलांच्या यादीत त्यांच्या नावाचा समावेश होतो. आता उज्ज्वल निकम यांच्या कार्यकीर्दीवर बायोपिक चित्रपट येणार असल्याची जोरदार चर्चा सोशल मीडियावर रंगू लागली आहे.
मीडिया रिपोर्टनुसार, उज्ज्वल निकम यांच्या बायोपिकबद्दल गेल्या काही काळापासून बरीच चर्चा सुरू होती. लवकरच उज्ज्वल निकम यांचा जीवनप्रवास मोठ्या पडद्यावरून दाखविला जाणार आहे. या चित्रपटासाठी सुरूवातीला अभिनेता आमिर खानचं नाव चर्चित होतं. मात्र, नवीन अपडेटनुसार चित्रपटात बॅालिवूडमधील एका आघाडीच्या अभिनेत्याला साईन करण्यात आलं आहे. चित्रपटाची शूटिंग आणि रिलीज डेटबाबतही एक मोठी अपडेट समोर आली आहे.
या चित्रपटाचे दिग्दर्शक अविनाश अरुण हे करणार आहेत, तर चित्रपटाची निर्मिती मॅडॅाक फिल्म्स करणार आहे. या चित्रपटात उज्ज्वल निकम यांची भूमिका कोण साकारणार यावरचा पडदा उठला असून, या भूमिकेसाठी अभिनेता राजकुमार रावला कास्ट करण्यात आलं आहे. मिळालेल्या माहितीनुसार, या बायोपिक चित्रपटाची तयारी सुरू असून राजकुमार रावला खऱ्या आयुष्यातील वकिलाची भूमिका साकारण्यासाठी प्रचंड मेहनत घ्यावी लागणार आहे. सध्याच्या माहितीनुसार, २०२६ मध्ये हा चित्रपट रिलीज होऊ शकतो.
चित्रपटात काय असणार?
उज्ज्वल निकम यांचा बायोपिक 1993 च्या मुंबई बॉम्बस्फोट आणि 2008 च्या मुंबई ट्रेन हल्ल्यातील वादग्रस्त न्यायालयीन कारवाईवर आधारित असणार आहे. या चित्रपटाची निर्मिती दिनेश विजन करत आहेत. त्यामुळे आता अॅाक्टोबरमध्ये या चित्रपटाच्या शुटिंगला सुरूवात केली जाणार आहे. अभिनेता राजकुमार राव याने अगोदर अनेक उत्तमोउत्तम चित्रपट दिले आहेत. त्यामुळे आता या चित्रपटात तो कशा प्रकारे आपल्या भूमिकेला न्याय देणार हे पाहणे खूप महत्वाचे असणार आहे.
