शेंदुर्णी ता.जामनेर : प्रतिनिधी
तिथीनुसार शिवजयंती सप्ताहिक उत्सवा अंतर्गत डॉ. विजय आनंद कुलकर्णी मनसे उपजिल्हाध्यक्ष जळगाव यांच्या वाढदिवसाच्या निमित्ताने महाराष्ट्र नवनिर्माण सेना जामनेर तालुका गुरुकुल प्रतिष्ठान शेंदुर्णी यांच्या संयुक्त विद्यमाने महाआरोग्य शिबिर संपन्न झाले. त्यात ३८० रुग्णांनी लाभ घेतला. त्यातून मोतीबिंदू शस्त्रक्रिया साठी ५३ रुग्णांची निवड करण्यात आली. या सर्व रुग्णांना येत्या पंधरा दिवसात शस्त्रक्रियेसाठी रवाना करण्यात येणार आहे.
कार्यक्रमाच्या उद्घाटन प्रसंगी मनसे जिल्हाध्यक्ष जमील देशपांडे व मनसे जिल्हा अध्यक्ष महिला आघाडी डॉ.सौ.भक्ति कुलकर्णी तसेच नगरपंचायत नगराध्यक्षा सौ. विजयाताई खलसे, अमृत खलसे, गोविंद अग्रवाल, जिल्हा उपाध्यक्ष, पत्रकार बंधु, शेंदुर्णी डॉक्टर असोसिएशनचे सर्व पदाधिकारी गुरुकुल प्रतिष्ठानचे अध्यक्ष तथा मनसे उपजिल्हाध्यक्ष डॉक्टर विजय आनंद कुलकर्णी व तालुक्यातील मनसे पदाधिकारी कार्यकर्ते मोठ्या संख्येने उपस्थित होते.
सामाजिक कार्यकर्ते पंडितराव जोहरे शिवप्रतिष्ठान स्मारकचे सदस्य विजय वानखेडे डॉ. नीलम अग्रवाल डॉ. देवानंद कुलकर्णी प्रतिष्ठानचे संचालक गिरीश कुलकर्णी, सेंट्रल बँक ऑफ इंडियाचे व्यवस्थापक श्रीकांत राजवाडे, बंटी शुक्ल, लताताई कुलकर्णी, वेदांत कुलकर्णी व गुरुकुलचे कर्मचारी वृंद उपस्थित होते. डॉ. कल्पक साने, डॉ. भूषण गरुड, डॉ. प्रकाश कोळी, डॉ. मोहित झोरे, हर्षल पाटील, साहिल खान यांनी सहकार्या केले. डॉ.विजयानंद कुलकर्णी यांनी आभार मानले.
