जळगाव मिरर/ ९ ऑक्टोबर २०२२
आपल्या जी गोष्ट समजली नाही ती आपण लागलीच मोबाईल घेत गूगलला विचारू लागतो, पण काही काही गोष्टी आहेत. कि त्या शोधणे हि एक गुन्हा आहे.
ज्याची माहिती कुठेच मिळणार नाही ती माहिती गुगलवर नक्की मिळेल असा नेटीझन्सला विश्वास आहे. पण तुम्ही सर्च करताना थोडा विचार करता का? की आपण गुगलवर नेमकं काय सर्च करतोय. गुगलवर काहीही सर्च करण्यापूर्वी जाणून घ्या काय सर्च करावं आणि काय नाही. काही गोष्टी अशा आहेत ज्या Google Search केल्यामुळे तुम्ही अडचणीत येऊ शकता. गुगलवर तुमच्या प्रश्नाचं उत्तर शोधणं, थेट तुरूंगातही पोहचवू शकतं. तसंच मोठं नुकसानही होऊ शकतं. त्यामुळे काही गोष्टी गुगलवर अजिबात सर्च करू नयेत.
गर्भपात कसा करायचा : गुगलवर गर्भपाताच्या पद्धती शोधणे देखील गुन्हा मानला जाऊ शकतो. म्हणूच अस काही तरी शोधणे टाळा. कारण कायद्यानुसार डॉक्टरांच्या सल्ल्याशिवाय गर्भपात करता येत नाही. त्यामुळे गुगलवर त्याच्या पद्धती शोधू नका.
फिल्म पायरसी: फिल्म पायरसी हा गुन्हा आहे आणि अशा परिस्थितीत असा कंटेंट काळजीपूर्वक शोधा कारण जर तुम्ही चित्रपट ऑनलाइन लीक किंवा डाउनलोड केल्यास तुम्हाला तुरुंगात जावे लागू शकते.
बॉम्ब कसा बनवायचा: जर तुम्ही टाइमपास म्हणून पण मोबाईलवर बॉम्ब कसा बनवला जातो याचा शोध घेत असाल तर आताच थांबा. या प्रकारच्या गुगल सर्चवर सायबर सेलद्वारे नजर ठेवली आहे. त्यामुळे सुरक्षा एजन्सी तुमच्यावर कारवाई करण्यास सुरुवात करतील आणि तुम्हाला तुरुंगात जावे लागण्याची शक्यता आहे.
चाइल्ड पॉर्न : चाइल्ड पॉर्नोग्राफीबाबत सरकार खूप कडक कारवाई करच आहे. गुगलवर चाइल्ड पॉर्न शोधणे, पाहणे किंवा शेअर करणे हा गुन्हा आहे. यासंबंधीच्या कायद्यांचे उल्लंघन केल्यास तुरुंगवास होऊ शकतो.
खाजगी फोटो आणि व्हिडिओ: कोणाचेही खाजगी फोटो किंवा व्हिडिओ पाहणे किंवा शेअर करणे, दोन्ही गुन्हा मानला जाऊ शकतो. हे चुकूनही गुगलवर करू नका, तुम्हाला खूप महागात पडू शकते.
