जळगाव मिरर | १३ डिसेंबर २०२३
महिला घरात एकटी असतांना तिच्या घरात घुसून तिच्यासोबत अश्लिल कृत्य करीत विनयभंग केल्याची घटना सोमवारी रात्री मध्यरात्रीच्या सुमारास घडली. याप्रकरणी शहर पोलीस ठाण्यात एका विरोधात विनयभंगाचा गुन्हा दाखल करण्यात आला आहे.
मिळालेल्या माहितीनुसार, शहरातील एका परिसरात २२ वर्षीय महिलाही आपल्या परिवारासह वास्तव्याला असून दि. ११ डिसेंबर सोमवारी रोजी रात्री १२.३० वाजेच्या सुमारास महिला एकटी घरी असतांना एका संशयित आरोपीने महिलेच्या घरात शिरला. त्याने महिलेशी अश्लिल कृत्य करत तिचा विनयभंग केला. हा प्रकार घडल्यानंतर महिलेने शहर पोलीस ठाण्यात धाव घेऊन तक्रार दिली. त्यानुसार संशयित आरोपी विरोधात शहर पोलीस ठाण्यात गुन्हा दाखल करण्यात आला आहे. पुढील तपास पोहेकॉ वीरेंद्र शिंदे करीत आहे.
