जळगाव मिरर | १७ जानेवारी २०२४
जळगाव शहरातील अनेक ठिकाणी छोटे मोठे अपघात सुरु असतांना नुकतेच दि. १३ रोजी सायंकाळच्या सुमारास जयकिसन वाडी परिसरातील हनुमान मंदिरात आरती करुन आईवडीलांसोबत घरी जात असलेल्या चिमुकलीला भरधाव वेगाने जाणाऱ्या दुचाकीस्वाराने धडक दिली. या अपघातात धनश्री राजेश पांन्डे (वय ४) ही चिमुकली गंभीर जखमी झाली असून तीला सोळा टाके पडले आहे. याप्रकरणी पोलिसात दुचाकीस्वाराविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील जयकिसनवाडी परिसरात राजेश पांडे हे वास्तव्यास असून ते दि. १३ जानेवारी रोजी त्यांची पत्नी मुलगी धनश्रीला घेवून गोलाणी मार्केट परिसरातील हनुमान मंदिरात आरतीसाठी गेले होते. आरती करुन ते सायंकाळी पायी घराकडे जात असतांना पद्मालय रेस्ट हाऊसकडून (एमएच १२ ईझेड ८७२६) क्रमांकाच्या दुचाकीस्वार भरधाव वेगाने जात होता. त्याने चिमुकल्या धनश्रीला दुचाकीने जोरदार धडक दिली. या अपघातात झाल्यानंतर दुचाकीस्वार तेथून पसार झाला. अपघातात चिमुकली धनश्रीच्या डोक्याला सोळा टाके पडले असून तीस ठिकाणी मुक्कामार लागून ती गंभीर जखमी झाली आहे. तीच्यावर खासगी रुग्णालयात उपचार सुरु आहे.
