जळगाव मिरर | ४ डिसेंबर २०२४
शहरातील रामानंद नगर पोलीस ठाण्याच्या हद्दीतून चौदा वर्षीय अल्पवयीन मुलीला फूस लावून पळविले. ही घटना सोमवारी सकाळच्या सुमारास उघडकीस आली. याप्रकरणी रामानंद नगर पोलीस ठाण्यात बेपत्ता झाल्याची नोंद करण्यात आली.
मिळालेल्या माहितीनुसार, शहरातील एका परिसरात चौदा वर्षीय अल्पवयीन मुलगी ही आपल्या परिवारासह वास्तव्याला आहे. सोमवार दि. २ डिसेंबर रोजी सकाळी ११.३० वाजता पिडीत मुलगी ही घरी एकटी असतांना अज्ञात व्यक्तीने काहीतरी आमिष दाखवत तिला फूस लावून पळवून नेले. हा प्रकार उघडकीला आल्यानंतर पिडीत मुलीच्या नातेवाईकांनी तिचा सर्वत्र शोध घेतला परंतू कोणतीही माहिती मिळाली नाही. अखेर तिच्या पालकांनी रामानंद नगर पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात व्यक्तीविरोधात अपहरणाचा गुन्हा दाखल करण्यात आला. पुढील तपास पोलीस उपनिरीक्षक कैलास दामोदर हे करीत आहे.
