जळगाव मिरर । ४ फेब्रुवारी २०२३।
तालुक्यातील सावखेडा शिवारातील गिरणा नदी पात्रातून अवैधरित्या वाळूची वाहतूक करणारे ट्रॅक्टर जळगाव तालुका पोलिसांनी पकडले आहे. या प्रकरणी तालुका पोलीस स्थानकात अनोळखी चालका विरोधात गुन्हा दाखल करण्यात आला आहे.
सविस्तर वृत्त असे कि, जळगाव तालुक्यातील सावखेडा शिवारात दि ३ फेब्रुवारी रोजी सावखेडा गाव ते पिप्राळा रोडावर असलेल्या वीट भट्टीजवळ ट्रॅक्टरमध्ये १ ब्रास वाळू असतांना वाळूची अवैधरित्या वाहतूक करीत असतांना तालुका पोलिसांनी पकडले असता घटनास्थळाहून चालक फरार झालेला असून हे ट्रॅक्टर सोनालिका कंपनीचे असून त्यावर कुठलाही नंबर आढळून आलेला नाही, या प्रकरणी पोहे.कॉ. शामकांत बोरसे यांच्या फिर्यादीवरून अनोळखी ट्रॅक्टर व ट्रोली चालकाविरोधात गुन्हा दाखल करण्यात आला आहे. पुढील तपास पोना.प्रकाश चिंचोरे हे करीत आहेत.
