जळगाव मिरर | १५ जून २०२५
विहिरीवर पाणी भरण्यासाठी गेलेल्या नीता दिलीप सोनवणे (वय १७, रा. कानळदा, ता. जळगाव) या तरुणीने विष प्राशन केले. त्या तरुणीवर उपचार सुरु असतांना तीची उपचारदारम्यान प्राणज्योत मालवली. ही दुर्देवी घटना तालुक्यातील कानळदा येथे घडली. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, जळगाव तालुक्यातील कानळदा येथे राहणारे दिलीप सोनवणे हे मजूरी काम करुन कुटुंबाचा उदनिर्वाह करतात. दि. ८ जून रोजी त्यांची मुलगी नीता ही शेतातील विहिरीवर पाणी घेण्यासाठी जाते, असे सांगून घरातून बाहेर पडली. त्यानंतर तिने तिकडेच काही तरी विषारी औषध प्राशन केले. ती घरी आल्यानंतर तिला उलट्या होऊ लागल्याने शासकीय वैद्यकीय महाविद्यालय व रुग्णालयात दाखल करण्यात आले. येथे उपचार सुरू असताना तिचा दि.१३ जून रोजी रात्री मृत्यू झाला. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ प्रदीप राजपूत करीत आहेत.
