भुसावळ : प्रतिनिधी
शहरातील नाहाटा कॉलेज कडून हायवे रोड वरून पिवळ्या रंगाचे वाहन रेतीने भरलेले वरणगांव रोडच्या दिशेने जात असल्याची पोलिसांना बातमीदारा मार्फत माहिती मिळाली.त्या आधारे संशयित वाहनाला पोलिसांनी थांबवून कायदेशीर शासकीय परवाना मागणी केली असता परवाना नसतांना वाळूची चोरटी वाहतूक करीत असतांना मिळून आल्याने पोलिसांनी वाळूची चोरटी वाहतूक करणाऱ्या डंपरवर कारवाई केली.
दिनांक ४ डिसेंबर रोजी सकाळी चार वाजता भुसावळ शहरातील हायवे रोडच्या साईडच्या रोडने सुंदरनगर गेट जवळ रोडवर सार्वजनिक जागी गजानन पंडित जावरे वय ३८(ड्रायव्हर) राहणार साकेगाव याने त्याच्या ताब्यातील एम एच.१९ सी.वाय.६४५६ वाळू भरलेले डंपर कोणताही कायदेशीर शासकीय परवाना नसतांना सूर्यास्तानंतर व सूर्यास्तपूर्वी अवैध गौण खनिज वाळूची चोरटी विक्री करण्याच्या उद्देशाने डंपर मध्ये २ ब्रास वाळूची चोरटी वाहतूक करतांना मिळून आला.पोलिसांनी डंपर व संशयित आरोपी गजानन पंडित जावरे यास ताब्यात घेऊन दोन ब्रास वाळू १६,००० रुपये किंमतीची व डंपर ३,५०,००० असा एकूण ३,६६,००० रुपयांचा मुद्देमाल बाजारपेठ पोलीस स्टेशनला आणले म्हणून पोकॉ अतुल श्रावण कुमावत यांच्या फिर्यादीवरून संशयित आरोपी गजानन पंडित जावरे यांच्या विरुद्ध बाजारपेठ पोलीस स्टेशनला कलम ३७९ प्रमाणे गुन्हा नोंद करण्यात आला आहे.गुन्ह्याचा पुढील तपास पोना.निलेश चौधरी करीत आहे.
