अमळनेर : विक्की उत्तम जाधव
जळगाव जिल्ह्यात गेल्या काही महिन्यापासून आत्महत्या होत असल्याच्या अनेक घटना घडत असून या घटनेत तरुणांची मोठी संख्या होत असल्याचे दिसत असतांना नुकतेच अमळनेर तालुक्यात देखील एका २० वर्षीय तरुणाने आपल्या राहत्या घरी जीवनयात्रा संपविल्याची घटना उघडकीस आली आहे. याप्रकरणी अमळनेर पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, अमळनेर तालुक्यातील कावपिंप्री येथील धनंजय गुलाबराव पाटील (वय २०) हा तरुण गुजरात येथील सेलवासाला कंपनीत नोकरीला होता. दोन दिवसांपूर्वी तो गावी आला असून दि.१२ रोजी दुपारी २ वाजता त्याने आपल्या राहत्या घरी छताला सुताची दोरी बांधून आत्महत्या केली. महेश सुपडू पाटील याने खबर दिल्यावरून अमळनेर पोलीस स्टेशनला अकस्मात मृत्यूची नोंद करण्यात आली आहे. तपास हेडकॉन्स्टेबल कैलास शिंदे करीत आहेत
