जळगाव मिरर | ११ डिसेंबर २०२४
अमळनेर शहरात क्रिकेटचा बॉल घेण्यासाठी सरळ घरात येणाऱ्या तरुणाला रोखण्याचा प्रयत्न करणाऱ्या महिला पोलिसाचा विनयभंग व पोलिसांना अश्लील शिवीगाळ दमदाटी करण्याचा प्रकार १० रोजी दुपारी तीन वाजेच्या सुमारास ताडेपुरा भागात घडली.
मिळालेल्या माहितीनुसार, सातारा जिल्ह्यात पोलीस दलात असणारी महिला सुटीवर अमळनेर येथे ताडेपुरा भागात आलेली होती. दुपारी ३ वाजता आजी आजोबांच्या घरात झोपलेली असताना गल्लीत काही मुले क्रिकेट खेळत होती. अचानक खेळणाऱ्याचा बॉल आला तो घेण्यासाठी मोना सलीम खाटिक हा सरळ घरात आला. त्यावेळी महिला पोलिसाने त्याला रोखण्याचा प्रयत्न केला. मोनाने तिच्या शरीराला हात लावून घरात प्रवेश केला आणि तिला शिवीगाळ केली. तिची आई तेथे आली असता पोलिसांनाही अश्लील भाषेत शिवीगाळ करून तुमच्याकडून जे होईल ते करून घ्या म्हणत दमदाटी केली. महिलेच्या फिर्यादीवरून अमळनेर पोलीस स्टेशनला भारतीय न्याय संहिता कलम ७४, २९६, ३५२, ३२९ (४) प्रमाणे गुन्हा दाखल करण्यात असून तपास हेडकॉन्स्टेबल गणेश पाटील हे करीत आहेत.
