जळगाव मिरर / १२ फेब्रुवारी २०२३ ।
छत्रपती शिवाजी महाराजांचा अपमान करणारे, सावित्रीबाई फुले यांचा अपमान करणारे,डॉ. बाबासाहेब आंबेडकर यांचा अवमान करणारे भगतसिंह कोश्यारी यांना राज्यपाल पदावरून हटवल्याबद्दल व महापुरुषांची बदनामी करणाऱ्या कोश्यारींची सावली सुद्धा महाराष्ट्रात पडणार नाही म्हणून राष्ट्रवादी युवक काँग्रेस जळगाव महानगरतर्फे आज दिनांक १२ रोजी छत्रपती शिवाजी महाराज पुतळा (शिवतीर्थ मैदान) येथे प्रथम शिव छत्रपती शिवाजी महाराजांच्या पुतळ्याला हार घालून वंदन करण्यात आले व तसेच नागरिकांना पेढे वाटून आनंदोत्सव साजरा करण्यात आला.
कोश्यारी यांनी राजीनामा द्यावा यासाठी राष्ट्रवादी काँग्रेस पार्टीतर्फे वेळोवेळी आंदोलन करण्यात आले होते तसेच कोश्यारी हे जळगाव दौऱ्यावर आले असताना कोश्यारी काळे झेंडे दाखवून निषेध करण्यात आला होता राष्ट्रवादी काँग्रेस पार्टीने केलेल्या आंदोलनाना अखेर यश मिळाले म्हणून राष्ट्रवादी युवक काँग्रेस जळगाव महानगरतर्फे जल्लोष करण्यात आला.
या वेळेस कोश्यारी यांचा प्रतीकात्मक कोश्यारी उभे करून त्यांना निरोप देण्यात आला. यावेळेस राष्ट्रवादी काँग्रेस महानगर अध्यक्ष अशोक लाडवंजारी,युवक शहर जिल्हाध्यक्ष रिकु चौधरी,विद्यार्थी जिल्हाध्यक्ष गौरव वाणी ,अमोल कोल्हे ,राजू मोरे,किरण राजपूत, भगवान सोनावने, रहीम तडवी,रमेश बाऱ्हे,सुशील शिंदे,साहिल पटेल,रफिक पटेल, नरेंद्र शिंदे,कुंदन सूर्यवंशी,ललित नारखेडे,योगेश कदम,चंदन कोळी,योगेश साळी, सचिन साळुंखे ,आकाश हिरवाडे ,हितेश जावळे,विनोद धुमाळे,विशाल देशमुख ,जुबेर खाटीक आदी उपस्थित होते.
