जळगाव मिरर | ११ नोव्हेबर २०२३ | जळगाव शहरातील मैत्रीय हॉटेल समोरील चौकातील महामार्गावरील भरधाव वेगाने येणाऱ्या मालवाहू टेम्पो वाहनाने जोरदार धडक दिल्याने दुचाकीस्वार गंभीर जखमी झाल्याची घटना बुधवार ८ नोव्हेंबर रोजी दुपारी २ वाजेच्या सुमारास घडली. याप्रकरणी गुरूवार ९ नोव्हेंबर रोजी दुपारी साडेबारा वाजता एमआयडीसी पोलीस ठाण्यात अज्ञात वाहनधारकावर गुन्हा दाखल करण्यात आला आहे.
मिळालेल्या माहितीनुसार, शहरातील सुप्रिम कॉलनी परिसरातील रहिवासी मिर्झा वसीम बेग मोहमुद बेग (वय ४०) हे अँग्लो हायस्कूल येथे नोकरीला आहे. बुधवार ८ नोव्हेंबर रोजी दुपारी २ वाजता ते दुचाकी (एमएच १९ सीबी ४१८६) ने घरी जाण्यासाठी निघाले. शहरातील मैत्रेय हॉटेल समोरून दुचाकीने जात असतांना समोरून मालवाहू टेम्पो क्रमांक (एमएच १९ सीवाय ४०० ) ने जोरदार धडक दिली. या धडकेत मिर्झा वसील बेग हे जखमी होवून पायाला गंभीर दुखापत झाली आहे. तसेच दुचाकीचेही मोठे नुकसान झाले आहे. याप्रकरणी गुरूवारी ९ नोव्हेंबर रोजी दुपारी साडेबारा वाजता एमआयडीसी पोलीस ठाण्यात धाव घेवून तक्रार दिली. त्यानुसार वाहनावरील अज्ञात चालकाविरोधात गुन्हा दाखल करण्यात आला आहे. पुढील तपास सहाय्यक पोलीस उपनिरीक्षक विजय पाटील करीत आहे.