जळगाव मिरर | ३१ जुलै २०२५
ऑनलाईन लॉटरी सेंटरवर अवैधरित्या लॉटरीच्या दुकानात सट्टा खेळविणाऱ्यावर शहर पोलिसांनी छापा टाकला. याठिकाणाहून १७ हजार १५० रुपयांचा ऐवज हस्तगत करण्यात आला. ही कारवाई बुधवारी दुपारी भीमसिंग मार्केटमध्ये केली. याप्रकरणी नरेंद्र सुरेश सोनार (वय ३९, रा. धनाजी काळेनगर) याच्याविरुद्ध गुन्हा दाखल करण्यात आला.
सविस्तर वृत्त असे कि, शहरातील भीमसिंग मार्केटमधील महालक्ष्मी ऑनलाईन लॉटरी सेंटर येथे अवैधरित्या लॉटरीच्या दुकानात ऑनलाईन सट्टा खेळवित असल्याची माहिती शहर पोलीस ठाण्याचे पोलीस निरीक्षक सागर शिंपी यांना मिळाली. त्यांनी लागलीच गुन्हे शोध पथकातील सफौ सुनिल पाटील, उमेश भांडारकर, योगेश पाटील, भगवान मोरे, राहुलकुमार पांचाळ यांचे पथक तयार केले. या पथकाने ऑनलाईन सट्टापेढीवर छापा टाकून सट्टा खेळविणाऱ्या नरेंद्र सुरेश सोनार (वय ३९, रा. धनाजी काळेनगर) याला ताब्यात घेतले. त्याच्याजवळडून २१५० रुपये रोख आणि सट्टा खेळविण्याचे साहित्य असा एकूण १७ हजार १५० रुपयांचा ऐवज जप्त करण्यात आला. याप्रकरणी शहर पोलिसात गुन्हा दाखल करण्यात आला आहे.
