जळगाव मिरर | २४ नोव्हेबर २०२३
राज्यातील अनेक शहरात आग लागल्याच्या घटना घडत असतांना आता हिंगोलीच्या वसमतमध्ये घरगुती गॅस सिलेंडरचा स्फोट झाल्याने मोठे नुकसान झाले आहे. वसमत शहराच्या जवळ असलेल्या खांडेगाव पाटी जवळ गॅरेजमध्ये ठेवण्यात आलेल्या सिलेंडरचा स्फोट झाल्याची माहिती वसमत ग्रामीण पोलिसांनी दिली आहे.
मिळालेल्या माहितीनुसार, हिंगोली शहरालगत असलेल्या वसमतमध्ये सिलेंडरचा स्फोट झाल्याने मोठा आवाज झाला. सकाळी घडलेल्या या घटनेमुळे परिसरात घाबरत निर्माण होऊन धावपळ सुरु झाली. या स्फोटामुळे आगीचा भडका उडाला असून आजूबाजूच्या सहा दुकानांना आग लागली. आग लागताच नागरिकांनी आग विझविण्याचा प्रयत्न केला. दरम्यान या बाबत अग्निशामक दलाला माहिती देण्यात आली होती. आग विझवण्यासाठी वसमत पालिकेच्या अग्निशमन विभागाने तातडीने घटनास्थळी दाखल होत आगीवर नियंत्रण मिळवण्याचा प्रयत्न केला, तब्बल दोन तासानंतर ही आग विझवण्यात पालिकेच्या आग्निशमन पथकाला यश आले आहे.