जळगाव मिरर । २१ जानेवारी २०२३ ।
प्रगती शिक्षण मंडळ संचलित गेंदालाल चौधरी बालनिकेतन बालकमंदिर, जळगाव या शाळेत सांस्कृतिक कार्यक्रम सोहळा संपन्न झाला. कार्यक्रमाला प्रमुख अतिथी म्हणून संस्थेचे अध्यक्ष प्रा. डॉ. युवराज वाणी, उपाध्यक्ष वसंत चौधरी, सचिव गोवर्धन पाटील, शाळेचे मुख्याध्यापक डॉ. रवींद्र माळी, निलेश नाईक इ. मान्यवर उपस्थित होते. कार्यक्रमाच्या सुरुवातीला मान्यवरांच्या हस्ते सरस्वती यांच्या प्रतिमेचे पूजन करून दीपप्रज्ज्वलन करण्यात आले.
शैक्षणिक वर्ष २०२२-२३ मधील आदर्श विद्यार्थी हर्षिता सतीश महाजन (नर्सरी), नंदिनी रवींद्र जाधव (ज्युनिअर), वेदिका भूषण चौधरी (सिनिअर मराठी), रोहन दीपक बोरसे (सिनिअर सेमी) यांना मान्यवरांच्या हस्ते सन्मानचिन्ह व प्रमाणपत्र देऊन सन्मानित करण्यात आले.
प्रसंगी नर्सरी, ज्युनिअर, सिनी.(मराठी), सिनी.(सेमी) या वर्गातील विद्यार्थ्यांनी ‘असावा सुंदर चॉकलेट चा बंगला’, ‘टन टन सुनो घंटी बजी’, ‘बम-बम बोले’, ‘रेड रेड ॲप्पल’, ‘या कोलीवाड्याची शान आई तुझे देऊळ…’, ‘कृष्णजन्म’, ‘मुक्ताबाई ’, ‘आज है संडे’ इ. या गाण्यांवर नृत्य सादर केले. तसेच विद्यार्थ्यांनी नाटिका, एकपात्री अभिनय व वैयक्तिक नृत्य इ. विविध प्रकारात कलागुण सादर केले. कार्यक्रमासाठी पालक व नागरिक मोठ्या संख्येने उपस्थित होते.
कार्यक्रमाचे नियोजन सांस्कृतिक कार्यक्रम प्रमुख श्रीमती सुवर्णा सोनार व विद्यार्थी प्रतिनिधी कु. अश्विनी वाघुळदे यांनी केले. सूत्रसंचालन इ. ८ वी ते १० वी तील विद्यार्थ्यांनी केले. कार्यक्रमासाठी ज्योती, सपकाळे, स्वाती याज्ञिक, सरोजना बयास, कविता बाविस्कर, सुनिता ठाकूर, अनिता जंगले, सोनी हिरे, भूषण बऱ्हाटे, परवेज तडवी या कर्मचाऱ्यांनी सहकार्य केले.