जळगाव मिरर | ७ डिसेंबर २०२४
यावल तालुक्यातील दहिगाव येथील राहणाऱ्या ३७ वर्षीय तरुणाने जळगाव शहरासह ग्रामीण भागातून तब्बल ११ दुचाकींपेक्षा जास्त दुचाकी चोरी करून सावखेडा सिम, दहिगाव भागात कमी दरात विक्री केल्याप्रकरणी जळगाव पोलिसांनी त्यास अटक केली आहे. पोलिसांनी संशयितास ताब्यात घेत चौकशीत ११ दुचाकी पोलिसांनी हस्तगत केल्या आहेत.
मिळालेल्या माहितीनुसार, जळगाव येथून चोरीस गेलेल्या दुचाकींच्या तपासांती गुप्त माहितीनुसार जळगाव शहर पोलिसांनी दहिगाव गाठले. दहिगावातील पटेल वाड्यातील रहिवासी असलेला आसिफ बशीर पटेल यास ४ रोजी रात्री ९ वाजेच्या सुमारास पोलिसांनी ताब्यात घेतली. चौकशी अंती त्याने चोरून आणलेल्या दुचाकी ज्या-ज्या लोकांना कमी दरात विक्री केलेल्या आहेत, त्यांची नावे त्याने पोलिसांना सांगितली. यावरून पोलिसांनी त्वरित त्या लोकांच्या घरून दुचाकी ताब्यात घेतल्या. तर ४ डिसेंबर रोजी ६ दुचाकी तर ५ डिसेंबर रोजी दुपारी ३ वाजेच्या सुमारास ५ दुचाकी अशा एकूण ११ दुचाकी हस्तगत करुन जळगाव पोलिसांनी जळगाव शहर पोलीस स्टेशनला त्या जमा केलेल्या आहेत. तर चोरीस गेलेल्या दुचाकींची चौकशी सुरू आहे.
आरोपी आसिफ हा गेल्या ५ ते ६ महिन्यांपासून जळगाव भागातून दुचाकी चोरून दहिगाव व सावखेडा सिम व ग्रामीण भागात विक्री करत होता. चांगल्या स्थितीतील दुचाकी ८ ते १० हजार ते जास्तीत जास्त १५ हजारापर्यंत तो विकत द्यायचा. हे पोलिसांच्या निदर्शनास आले. तसेच ज्यांनी दुचाकी ताब्यात दिल्यात त्यांनी ही पोलिसांना याबाबत माहिती दिली होती. या प्रकरणी जळगाव शहर पोलीस ठाण्याचे फौजदार राजू जाधव, पोलीस कॉन्स्टेबल सतीश पाटील, उमेश भांडारकर, राहुल पांचाळ, अमोल ठाकूर तपास करत आहेत. या प्रकरणात आणखी काही दुचाकी मिळतील, असा विश्वास पोलिसांनी या वेळी व्यक्त केला. तर जळगाव पोलिसांत आसिफ पटेल याच्याविरुद्ध गुन्हा दाखल करण्यात आला आहे
