अमळनेर : विक्की जाधव
जुने बस स्टॅन्ड फायनल प्लॉट १२३ वर अतिक्रमण निर्मूलन मोहीम सुरू करण्यात आली असून दोन दिवसात त्या भूखंडावरील १८० दुकानांवर व ४ निवासी बांधकामावर हातोडा चालविला जात आहे.
गेल्या अनेक वर्षांपासून वादात असलेल्या जुने बसस्थानक येथील १८० दुकानांचे अतिक्रमण व ४ रहिवाशी अतिक्रमण हटविण्याची कारवाई नगरपालिका प्रशासन बांधकाम विभागाने केली आहे. याच जागी भाजीपाल्याचे 89 ओटे देखील हटविण्यात येत आहेत. येथील रहिवाशीयांना म्हाडा मध्ये पुनर्वसित केले असून ती घरे देखील पाडणे सुरु केले आहे. दोन दिवसात पूर्ण अतिक्रमण निघणार असून मुख्याधिकारी प्रशांत सरोदे यांच्या मार्गदर्शनाखाली कनिष्ठ अभियंता अमोल भामरे, दिगंबर वाघ, अतिक्रमण पथक राधेश्याम अग्रवाल व सोबत कर्मचारी यावेळी उपस्थित होते.
सार्वजनिक सूचना प्रसिद्ध – फायनल प्लॉट नंबर 123 मधील अतिक्रमण दुकानदारांनी हटवावे अन्यथा 31 ऑक्टोबर नंतर ही जागा नगरपालिका अतिक्रमण काढून खाली करणार आहे. अशा आशयाची नोटीस जारी केल्यानंतर दुकानदारांनी स्वतःहून दुकाने खाली केले आहेत. मात्र खाली दुकानांवर आता जेसीबीच्या साहाय्याने साफसफाई सुरु केली आहे. जागा होणार विकसित दरम्यान ही जागा विकसित करण्यासाठी पालिकेचा प्रयत्न असून सध्या अतिक्रमण करून राहणाऱ्या दुकानदारांना आता आपले अतिक्रमण काढावे लागले आहे. पालिका बांधणार 4 इमारती या फायनल प्लॉट 123 वर पालिका 4 इमारती बांधणार असून याची निविदा देखील निघाली आहे. ए बी सी डी अशा या इमारती तयार होत असून येथील अतिक्रमण धारकांना स्थगिती मिळू नये यासाठी एक याचिका देखील दाखल करण्यात आल्याची माहिती बांधकाम विभागाने दिली आहे. 8 कोटी 98 लाखांची निविदा- या चार इमारती विकसित करण्यासाठी तब्बल 8 कोटी 98 लाख 54 हजार रुपयांची निविदा प्रसिद्ध झाली असून याबाबत लवकरच कायटिंभ आदेश देऊन पालिका बांधकाम सुरू करणार आहे.
