जळगाव मिरर | २४ डिसेंबर २०२३
यावल- भुसावळ मार्गावरील अंजाळे घाटाच्या पुलावर मोटरसायकल व चारचाकी वाहनाचा भिषण अपघात होवुन एक जण जागीच मरण पावल्याची घटनासमोर आली आहे.
मिळालेल्या माहितीनुसार, यावल – भुसावळ मार्गावरील अंजाळे घाटाच्या मोर नदी वरील नवीन बांधलेल्या उडान पुलावर दि. २२ रोजी रात्री ९, ३० वाजेच्या सुमारास यावल कडुन भुसावळकडे जाणाऱ्या मारूती ईको या चार चाकी वाहन क्रमांक एमएच ०१ सिपी३२१८ या वाहनाची व भुसावळ कडून येणाऱ्या मोटरसायकल क्रमांक एमएच १९ ईडी ०४३२यात भीषण अपघात झाल्याने मोटरसायकल चालक राजु भिका शिंदे (वय ३०) रा. देऊळगाव गुजरी ता.जामनेर यास या भिषण अपघातात गंभीर दुखापत होवुन तो जागीच मरण पावल्याची घटना घडली आहे. याबाबत विकास शिंदे यांनी फिर्याद दिल्याने यावल पोलीस ठाण्यात दिल्याने अपघातास व मोटरसायकल चालक राजु शिंदे यांच्या मृत्यूस कारणीभुत मारूती ईको चारचाकी वाहन चालक सचिन संजय कोळी राहणार अंजनसोडा तालुका भुसावळ विरूध्द गुन्हा दाखल करण्यात आला असुन पुढील तपास पोलीस निरिक्षक राकेश मानगावकर यांच्या मार्गदर्शनाखाली पोलीस करीत आहे.
