जळगाव मिरर | २ सप्टेबर २०२४
जळगाव शहरातील महामार्गावर अपघाताच्या मालिकेत महिलेसह तरुणीचा मृत्यू तर दुसऱ्या दिवशी घडलेल्या घटनेत एका वृद्धाचा जागीच मृत्यू झाल्याची घटना ताजी असतांना नुकतेच एरंडोल-नेरी रस्त्यावरील जळके येथून पवन गोपाल सूर्यवंशी (वय १६ वर्षे) व अलताफ बंन्डु तडवी (वय १९ वर्षे) हे दुचाकी क्रमांक MH 19BV7531ने वावडदा येथे पोळा सण साजरा करण्यासाठी बैलासाठी साज घेण्यासाठी गेला असता ते परतीचा प्रवास करत असताना लहु पाटील यांच्या शेताजवळ दि.२ सप्टेबर २०२४ रोजी सकाळी ९:३०वाजता नेरीकडुन समोरुन भरधाव वेगाने येणाऱ्या ट्रक क्रमांक HR 73-9316 याने दुचाकीला उडवलं यात दुचाकीवर मागे बसलेला पवन गोपाल सूर्यवंशी या तरुणांच्या अंगावरुन ट्रकचे चाक गेल्याने त्याचा जागीच मृत्यू झाल्याची घटना घडली आहे.
मिळालेल्या माहितीनुसार, अपघातग्रस्त ट्रक अर्शिद सत्तार खान ( चालक) वय वर्षे ५० हा व त्याचा किन्नर शब्बीर हजरत खान वय २०वर्षे घटनास्थळावरून घेऊन एरंडोलच्या दिशेने पसार झाला.या घटनेची माहिती औद्योगिक वसाहत पोलीस स्टेशनला मिळाल्याने त्यांनी एरंडोल पोलिस स्टेशनशी संपर्क साधला व येथील कर्तव्यावर हजर असणारे पोलिस कर्मचारी कपिल पाटील, दत्ता ठाकरे व दिपक पाटील यांनी एरंडोल चौफुलीवर अपघात ग्रस्त ट्रक सह चालक व किन्नर यांना ताब्यात घेतले.
यावेळी पोलीस कर्मचारी दिपक पाटील हे किरकोळ जखमी झाल्याची माहिती मिळते. एरंडोल या ठिकाणी जळगाव औद्योगिक वसाहत पोलिस स्टेशनचे पोलीस उपनिरीक्षक राजेंद्र उगले,पो.हे.कॉ.स्वप्नील पाटील याचे पथक पोहोचले व ट्रकसह आरोपींना ताब्यात घेऊन जळगाव येथे रवाना झाले.तसेच घटनास्थळी म्हसावद पोलिस स्टेशनचे पो.हे.कॉ. प्रदीप पाटील यांनी मयत तरुणाचा मृतदेह शवच्छेदनासाठी जळगाव जिल्हा शासकीय रुग्णालय येथे पाठविण्यात आला व अपघातग्रस्त मोटारसायकल ताब्यात घेऊन म्हसावद पोलिस ठाण्यात नेण्यात आली.
