जळगाव मिरर | १९ डिसेंबर २०२३
जळगाव शहरातील सिंधी कॉलनी परिसरात उसनवार पैसे मागितल्याच्या कारणावरून चहा विक्रेत्या तरुणाला एकाने काचेचा ग्लास डोक्यावर मारून दुखापत केल्याची घटना उघडकीस आली आहे. याप्रकरणी एमआयडीसी पोलीस ठाण्यात एकावर गुन्हा नोंदविण्यात आला आहे.
मिळालेल्या माहितीनुसार, शहरातील सिंधी कॉलनी परिसरातील बाबा नगरातील रहिवासी कमलेश बुदलदास चिमणाणी (वय-३८) हा तरुण चहाची टपरी चालवून तो आपल्या परिवाराचा उदरनिर्वाह करतो त्याने सिंधी कॉलनी परिसरातील लकी अशोक कुमार बुलानी याला उसनवारीने पैसे दिले होते. सोमवार १८ डिसेंबर रोजी सायंकाळी ७ वाजता कमलेश चिमणाणी याने दिलेल्या पैसे मागितले. याचा राग आल्याने याने चहाच्या टपरीवरील काचेचा ग्लास हातात घेऊन कमलेश याच्या डोक्यात मारला. त्यात कमलेश याच्या डोक्याला गंभीर दुखापत झाली. या घटनेबाबत रात्री उशिरा एमआयडीसी पोलीस ठाण्यात गुन्हा दाखल करण्यात आला आहे.
