जळगाव मिरर । २१ जानेवारी २०२३ ।
स्वातंत्र्य चौक परिसरातील रहिवासी मीरा जोशी यांच्या घरातील दागिन्यांवर डल्ला मारल्याप्रकरणी जिल्हापेठ पोलिसांनी शुक्रवारी दोन संशयितांना रामेश्वर कॉलनी येथून बेड्या ठोकल्या आहेत. नीलेश विजयसिंग ऊर्फ प्रवीण पाटील (२१) व अरुण संतोष पद्मे (२६, दोन्ही, रा. रामेश्वर कॉलनी) असे अटक केलेल्या दोन संशयितांची नावे आहेत.
स्वातंत्र्य चौकातील रहिवासी मीरा जोशी यांच्या घरामध्ये नोव्हेंबर महिन्यामध्ये चोरट्यांनी ५८ हजार रुपयांच्या दागिन्यांची चोरी केली होती. याप्रकरणी पोलिसांनी तुषार जाधव, सचिन चव्हाण, मानसी पाटील यांनी अटक झाली होती. उर्वरित तीन संशयित फरार होते. त्यापैकी नीलेश विजयसिंग ऊर्फ प्रवीण पाटील व अरुण संतोष पद्मे या दोघांना शुक्रवारी जिल्हापेठ पोलिसांनी रामेश्वर कॉलनीतून अटक केली आहे. ही कारवाई सहाय्यक पोलिस निरीक्षक किशोर पवार यांच्या मार्गदर्शनाखाली संदीप पाटील, केतन सूर्यवंशी, वंदना राठोड यांनी केली आहे.
