जळगाव : प्रतिनिधी
शहरातील रस्त्याची अवस्था खूप वाईट होत चाललेली असतांना याच पाश्ववभूमीवर आम आदमी पार्टीने आज ११ रोजी सकाळी जिल्हा सामान्य रुग्णलया बाहेरील मुख्य रस्त्यावर आंदोलन केले.
आम आदमी पार्टीतर्फे रस्त्याचा जाहीर निषेध करत तर या रस्त्यांना ‘रामभरोसे’ नाव देऊन एक अभिनव आंदोलन केल्याने जनतेतून या आंदोलनाचे कौतुक केले जात आहे. यावेळेस रस्त्यावरील खड्ड्यांना पुष्पहार घालून नारळ फोडून निषेध करण्यात आला. तसेच जळगाव शहराचे आमदार राजूमामा भोळे यांची गाडी अडवण्यात आली व जळगाव शहरातील समस्यांसंदर्भात बोलण्यात आले या प्रसंगी जळगाव शहर आम आदमी पार्टीचे कार्याध्यक्ष योगेश हिवरकर, अल्पसंख्यांक अध्यक्ष रईस कुरेशी व जळगाव शहर आम आदमी पार्टी मीडिया प्रमुख व प्रवक्ता योगेश भोई उपस्थित होते. याप्रसंगी कार्यकर्ता माधवराव जाधव.शकील शेख. आरिफ खान. रत्नाकर खरोटे. दुर्गेश निंबाळकर. आदी कार्यकर्तेनी परिश्रम घेतले.
